Pleyeri seçin:
İsrail Ordusundan xəstəxana əməliyyatı
İsrail Ordusu Qəzza zolağının ən böyük xəstəxanası olan Əl-Şifa ərazisində əməliyyata başlayıb.
Bu barədə ordunun mətbuat xidməti məlumat yayıb. Bildirilib ki, SAXAL bu addımı kəşfiyyat məlumatlarına və əməliyyat zərurətinə əsaslanaraq atıb.
Qeyd olunur ki, xəstəxanadakı əməliyyatda iştirak edən ordu qüvvələri arasında mülki şəxslərə zərər verməmək üçün xüsusi təlim keçmiş tibbi qruplar və ərəbdilli şəxslər də var.
Mətbuat xidmətinin məlumatına görə, İsrail dəfələrlə HƏMAS-ın xəstəxanadan hərbi istifadəsinin onun beynəlxalq hüquq çərçivəsində qorunan statusunu təhlükə altına qoyduğu barədə xəbərdarlıq edib. Hətta bu qeyri-qanuni sui-istifadəni dayandırmaq üçün kifayət qədər vaxt da verib.
Məlumatda həmçinin İsrailin xəstəxanada olan bütün HƏMAS üzvlərini təslim olmağa çağırdıqları da qeyd olunub.
Kopyalandı
Seçilmişlər
