İsraildən Livana cavab zərbəsi | “Hizbullah”la gərginlik getdikcə artır

İsrailin Müdafiə Ordusu Livandan ölkənin şimalındakı əraziyə atılan 30-a yaxın mərmini aşkarlayıb.

Bu barədə İsrailin Müdafiə Ordusunun Mətbuat Xidməti məlumat yayıb.

“Bir müddət əvvəl Qərbi Qaliley bölgəsində hava hücumu sireninin səslənməsindən sonra Livandan atılan 30-a yaxın mərmi aşkar edilib”, – deyə xəbərdə bildirilib.

İsrailin Hərbi Hava Qüvvələri isə Livanın cənubunda “Hizbullah” hərəkatının istifadə etdiyi 10-a yaxın buraxılış məntəqəsinə hücum edib.

Bu barədə İsrailin Müdafiə Ordusunun Mətbuat Xidmətinin yaydığı xəbərdə bildirilib. Hədəflər Livanın cənubundakı yaşayış məntəqələrinin yaxınlığında yerləşib.

Bundan əlavə, Livanın cənubunda yerləşən Houla bölgəsində də “Hizbullah”ın müşahidə məntəqələri vurulub.