İsraildən Livana qarşı qisas əməliyyatı | Gərginlik daha da artır

Livan-İsrail sərhədində davam edən gərginliyin fonunda “Hizbullah” hərbi qruplaşması İsrailin şimalındakı Şamir qəsəbəsinə və Khirbet Maar hərbi bazasına hücum edib.

Bu barədə yerli media məlumat yayıb. Bildirilib ki, qruplaşma Mərcayun şəhərinin hədəfə alınmasına cavab olaraq Şamir qəsəbəsini Katyuşa raketləri ilə atəşə tutub. Nəticədə itki qeydə alınmayıb.

Xəbərə görə, Livandan atılan 20-yə yaxın raketin əksəriyyəti zərərsizləşdirilib, bəziləri isə açıq ərazilərə düşüb.

İsrail də eyni zamanda Livanın Xiyam, Qəbrixa və Deyr Mimas şəhərləri istiqamətinə cavab zərbələri endirib. Nəticədə 2 nəfər yaralanıb.

Bundan başqa, SAXAL Aita əş-Şaabda “Hizbullah”a aid binanı da vurub. Ölən və yaralananlar barədə isə hələlik məlumat verilməyib.