İsrailin İrana hücumlarına görə kim günahkardır? - Məhəmməd İslamidən sensasiya

“Mossad”ın fasiləsiz zərbələri İran üçün tornado kimi oldu. Dövlət televiziyasından tutmuş raket bazalarına qədər müxtəlif hədəflər od tutub yanır, tüstüləyir”.

Bu sözləri İsrailin müdafiə naziri İsrael Katz bildirib.

O əlavə edib ki, Tehran sakinləri şəhəri tərk edirlər.

“Reuters”də yayılan məlumatda isə İran Atom Enerjisi Təşkilatının rəhbərinin müsahibəsi yer alıb.

Məhəmməd İslami Atom Enerjisi üzrə Beynəlxalq Agentliyin baş direktoru Rafael Qrossini tənqid edib:

“R.Qrossi İranın nüvə proqramı ilə bağlı destruktiv rol oynadı. Bütün bu faktlar arxivləşdiriləcək. Belə olmasaydı, eskalasiya bəhanəsi qalmazdı. Hazırda İsrail raket zərbələri endirir. İsfahana isə PUA hücumuna cəhd olub. Hədəfə atəş açılmadan dron vurulub”.

Qeyd edək ki, İsrailin hücumları nəticəsində İranda 585 nəfər ölüb, 1326 yaralanan var.