İtaliyada qətllərin qarşısı necə alındı? | "Komissar Katani"nin ölümü

XX əsrin 80-ci illərində İtaliyada, xüsusən Siciliyada mafiya ən qüdrətli çağını yaşayırdı. Ölkədə hər gün qətllər baş verir, cəmiyyət qorxu içində yaşayırdı.

Hüquq-mühafizə orqanlarının gücsüz qaldığı, siyasətçilərin bəzilərinin mafiya ilə əlaqədə olduğu bir zamanda 2 prokurorluq əməkdaşı ‒ komissar Katani kimi tanıdığımız Covanni Falkone və Paolo Borsellino “Koza Nostra”ya müharibə elan etdi. Onların sayəsində o vaxta qədər ümumilikdə Siciliyada və xüsusən Palermo şəhərində sözün əsl mənasında, “ikinci güc” olmuş bir neçə yüz mafioz dəmir barmaqlıqlar arxasına salındı. Lakin bir müddət sonra hər iki prokuror amansızcasına qətlə yetirilir. Bu hadisə İtaliyada mafiyanın sonunun başlanğıcı olur.

Falkone və Borsellinonun ölümündən sonra yaranan ictimai qınaq hakimiyyəti mafiyanın fəaliyyətinə daha sərt reaksiya verməyə məcbur etdi. “Kosa Nostra”nın rəhbəri Salvatore onların qətlini təşkil etdiyinə görə həbs edilir və həyatının qalan hissəsini dəmir barmaqlıqlar arxasında keçirir. Mafiyaya himayədarlıq edən Xristian-Demokrat Partiyası öz fəaliyyətini dayandırır.

Qeyd edək ki, Palermo aeroportu hazırda Falkone və Borsellinonun adını daşıyır. Bu gün İtaliya mafiyası əvvəlki qüdrətinin kölgəsində yaşayır və bu uğur 2 cəsur şəxsin katalizatoru olduğu hadisələr sayəsində baş verib.