Nikol Paşinyanın yeni təşkilat yaratmaqda məqsədi nədir?

Nikol Paşinyanın sədrlik etdiyi hakim “Vətəndaş müqaviləsi” partiyasında “gizli polis” təşkilatı yaradılıb.

Onlar partiya daxilində deputatların fikir ayrılıqlarını, N.Paşinyana qarşı olan tənqidi fikirləri birbaşa Baş nazirə çatdırırlar.

“Caliber”in erməni mediasına istinadən yaydığı xəbərə görə, bu gizli polislər vasitəsilə bir neçə şəxsə qarşı cinayət işi qaldırılıb, bir çoxları da işdən çıxarılıb.

Bildirilib ki, partiya üzvləri onlara qarşı rəsmi qurumlarla yanaşı, həm də N.Paşinyanın “nəzarətə nəzarət” təşkilatının varlığından xeyli narazıdırlar. Ermənilər də Baş nazirin yaratdığı bu sistemin demokratiyadan uzaq olduğunu deyirlər.

Məlumata görə, Ermənistanın sabiq iqtisadiyyat naziri Vaan Kerobyan da bu qeyri-formal qurumun “fəaliyyət”inin qurbanı olub.

Erməni mediasında N.Paşinyanın partiyasında bu qruplaşmanın üzvlərinin kim olması şübhə doğurur və müxtəlif adlar səsləndirilir. Bu siyahıda Artur Hovhannisyan, Hayk Konjoryan, Gevorq Papoyan, Arpi Davoyan, Andranik Koçaryan, Araik Arutyunyan və digərləri var.