Nusretin restoranına hücum edən qrupa qarşı əməliyyat keçirildi

Dünyaca məşhur restoranlar şəbəkəsinin sahibi türkiyəli Nusret Gökçenin İstanbuldakı restoranına hücum təşkil edən iki cinayətkar qrupa qarşı əməliyyat keçirilib.

Bu barədə Türkiyə daxili işlər naziri Ali Yerlikaya “X” hesabında paylaşım edib.

“Mütəşəkkil cinayətkar qruplaşmanın başçısı Barış Boyunun digər dəstə lideri Volkan Reçberə verdiyi təlimat əsasında Beşiktaşda “Nusr-Et” adlı iş yerinə təşkil edilən silahlı hücumla bağlı “Mahzen-22” əməliyyatı keçirilib. Əməliyyat zamanı silahlı hücumu həyata keçirən mütəşəkkil cinayətkar dəstənin beş üzvü şübhəli şəxs qismində saxlanılıb”, – deyə nazir paylaşımında bildirib.