Paşinyan Ermənistan və Rusiya arasındakı hərbi əməkdaşlıqla bağlı açıqlama verib - Baku TV

Ermənistan və Rusiya hərbi-texniki sahədə əldə olunan razılaşmaların icrasını davam etdirməklə bağlı razılığa gəlib.

Bu barədə Ermənistanın Baş naziri Nikol Paşinyan hökumətin iclasından sonra keçirdiyi brifinqdə bildirib.

"Rusiya ilə hərbi-texniki əməkdaşlığımız var idi, bu əməkdaşlıq müəyyən bir mərhələdə əhəmiyyətli dərəcədə azaldı və ya dayandırıldı. Moskvaya səfər və Rusiya Prezidenti Vladimir Putinlə görüş çərçivəsində hərbi-texniki əməkdaşlığın davam etdirilməsi barədə razılıq əldə edilib", – deyə Baş nazir bildirib.

Ermənistanın İranla əməkdaşlığa dair baxışı strateji xarakter daşıyır və İrəvan bu ölkənin ərazisindən logistika zəncirləri və imkanlarını genişləndirmək istəyir.

Bu barədə Nikol Paşinyan İran ətrafında, xüsusilə Hörmüz boğazı ilə bağlı vəziyyətlə əlaqədar mümkün alternativ marşrutların axtarışı barədə suala cavabında bildirib.

"TRIPP layihəsinin həyata keçirilməsi də çox vacibdir, çünki nəticədə biz İranla dəmir yolu əlaqəsi əldə edəcəyik. Bu, Ermənistana mal idxalını və Ermənistandan mal ixracını xeyli asanlaşdıracaq", – deyə Paşinyan vurğulayıb.