Paytaxtı köçürməkdən başqa çarəmiz yoxdur | Pezeşkiandan açıqlama

“İran rəhbərliyinin ölkənin siyasi və iqtisadi mərkəzlərini respublikanın cənub sərhədlərinə, Fars körfəzi sahillərinə köçürməkdən başqa yolu yoxdur”.

“RİA Novosti”nin məlumatına görə, bunu İran Prezidenti Məsud Pezeşkian bildirib.

“Ölkənin paytaxtı kimi Tehran problemlərlə üzləşir, bizim paytaxtı köçürməkdən başqa çarəmiz yoxdur”, – deyə o vurğulayıb.

M.Pezeşkian bildirib ki, bir sıra məsələlərə, ilk növbədə iqtisadi səbəblərə görə Tehranı paytaxt kimi saxlamaq qeyri-mümkündür.

Qeyd edək ki, indiki paytaxt İranın şimalında, Elbrus dağ silsiləsinin ətəyində, Xəzər dənizi sahilindən 90 kilometr cənubda yerləşir.