Peskov Paşinyan və Putinin görüşünü şərh etdi | Danışıqların mürəkkəbliyini şişirtmək olmaz…

“Rusiya ilə Ermənistan arasında münasibətlərdə müəyyən problemli mövzular var, lakin Prezident Vladimir Putinlə Ermənistanın Baş naziri Nikol Paşinyan arasında aparılan danışıqların mürəkkəbliyini şişirtmək olmaz”.

Bunu Kremlin rəsmi nümayəndəsi Dmitri Peskov liderlərin mayın 8-də baş tutan görüşünü şərh edərkən deyib.

O bildirib ki, problemlərə baxmayaraq, iki ölkə arasında qarşılıqlı əlaqə nə qədər dürüst olarsa, münasibətlər kompleksi bir o qədər geniş olar.

Rəsmi Moskvanın İrəvanla gələcək münasibətlərin perspektivlərinə müsbət baxdığını deyən Kremlin mətbuat katibi onu da deyib ki, iki ölkə liderinin də bunu müzakirə etmək üçün yetərincə siyasi iradəsi var.