Pezeşkian artıq... | İranın Ali Rəhbəri Xamenei təsdiqlədi

İranın ali dini lideri Ayətullah Əli Xamenei iyulun 28-də Məsud Pezeşkianı yeni prezident kimi rəsmi olaraq təsdiqləyib.

Bu barədə “Mehr” xəbər agentliyi məlumat yayıb.

Məlumata görə, mərasimin əvvəlində İranın daxili işlər naziri Əhməd Vahidi növbədənkənar prezident seçkilərinin necə keçirildiyi barədə rəsmi hesabat təqdim edib və İran xalqına, idarə əməkdaşlarına seçkini uğurlu keçirmələrinə görə təşəkkür edib.

Ayətullah Xamenei daha sonra M.Pezeşkianın İran İslam Respublikasının 9-cu prezidenti elan edilməsi haqqında fərman verib, ona uğurlar arzulayıb.

“İslam və inqilabın düz yolları ilə getməkdə büdrəməyəsiniz”, – deyə o bildirib.

Qeyd edək ki, Məsud Pezeşkianın andiçmə mərasimi iyulun 30-da İran parlamentində olacaq.