Pezeşkian ərəb ölkələri ilə əlaqələri genişləndirir? | Fars körfəzində yeni fəsil

Prezident Məsud Pezeşkian qonşuluq siyasətinin və region ölkələri ilə əlaqələrin genişləndirilməsini İran İslam Respublikasının əsas strategiyası adlandırıb.

Nazirlər Kabinetinin iclasında danışan M.Pezeşkian deyib:

“Mən 12 günlük müharibə zamanı bu milli müqavimətə yüksək komandanlığına görə rəhbərə dərin minnətdarlığımı bildirməyi özümə borc bilirəm. Onun rəhbərliyi və dəstəyi olmasaydı, bu böhrandan çıxmaq, təhlükəsiz və sabit sahilə çatmaq mümkün olmazdı”.

M.Pezeşkian bəyan edib ki, İslam ölkələri arasında həmrəyliyin zəruriliyini nəzərə alaraq və hərtərəfli əməkdaşlığı genişləndirmək məqsədilə İran İslam Respublikası Fars Körfəzi Əməkdaşlıq Şurası ilə əməkdaşlığa tam hazırdır və bununla da qonşularla münasibətlərdə yeni bir fəsil başlayır.

O deyib ki, İran inanır ki, Fars körfəzi regionundakı ölkələr arasında sülh və əməkdaşlıq mümkündür. Fars Körfəzi Əməkdaşlıq Şurası ilə əlaqələrin gücləndirilməsi bütün İslam dünyası və region xalqları üçün sülh, qardaşlıq və inkişaf mesajıdır.