Priqojinin ölümü təsdiqləndi

Tver vilayətində baş verən təyyarə qəzasında həlak olanların şəxsiyyətinin müəyyənləşdirilməsi başa çatıb, onların arasında “Vaqner” muzdlu hərbi şirkətinin rəhbəri Yevgeni Priqojin də var.

Bu barədə Rusiyanın İstintaq Komitəsi məlumat yayıb. Komitənin rəsmi nümayəndəsi Svetlana Petrenko bildirib ki, aparılan molekulyar genetik müayinələrin nəticələrinə əsasən, qəzada həlak olan 10 nəfərin hamısının şəxsiyyəti müəyyən edilib və onların adları uçuş vərəqəsində göstərilən siyahıya uyğundur.

Xatırladaq ki, avqustun 23-də Rusiyanın Tver vilayətinin Kujenkino qəsəbəsi ərazisində Yevgeni Priqojinin olduğu təyyarə qəzaya uğrayıb.