Rusiya cəbhədə hansı fürsəti əldən verdi? | Hərbi ekspertdən təcili açıqlama

Rusiya Silahlı Qüvvələrinin “Qərb” qoşunları Kupyansk istiqamətindən geri çəkilib.

Bu barədə rusiyalı hərbi ekspert Yuri Podolyak “Telegram” səhifəsində məlumat verib.

“Təəssüf hissi ilə bildirməliyəm ki, “Qərb” qrupunun komandanlığı Kupyanskda qarşı tərəfin çaşqınlığı nəticəsində yaranmış fürsətdən istifadə edə bilmədi. Ukrayna Ordusu bizi şəhərin şimal-şərq kənarından vurmağa müvəffəq oldu, hətta Oskol çayının o tayında yaratdığımız və genişləndirdiyimiz dayaq nöqtəsi də bizə kömək etmədi”, – deyə Y.Podolyak bildirib.

Məsələni “Forbes” jurnalının analitiki Devid Aks da şərh edib. O, məqaləsində vurğulayıb ki, Kursk vilayətində və Donetsk bölgəsində çətinliklə üzləşən Ukrayna Silahlı Qüvvələri Kupyanskda uğur qazana bilib.

“Rusiya Ordusu iki həftə əvvəl şəhərə daxil olub. Lakin ukraynalılar hücumun qarşısını ala biliblər. Növbəti hücum və Kupyanskda üstünlüyü əldə saxlamaq üçün isə Rusiya Ordusunun kifayət qədər hərbi personalı yoxdur”, – deyə D.Aks vurğulayıb.