Rusiya MN-dən Krım körpüsü ilə bağlı açıqlama

Rusiya qoşunları Krım körpüsünün partladılması planının hazırlandığı obyektlərə zərbə endirib. Bu barədə Rusiya Müdafiə Nazirliyi məlumat yayıb.

Qoşunların Odessa vilayətində ekipajsız qayıqlardan istifadə etməklə Rusiyaya qarşı terror aktlarının hazırlandığı obyektlərə və qayıqların istehsal olunduğu yerlərə zərbə endirdiyi bildirilib.

"Rusiya Federasiyasının Silahlı Qüvvələri Nikolayev vilayətində Ukrayna Silahlı Qüvvələrini yanacaqla təmin edən yanacaq infrastrukturu obyektlərini məhv edib. Rusiyanın cavab zərbəsindən sonra Ukraynanın Nikolayev və Odessa yaxınlığındakı obyektlərində yanğınlar və partlayışlar qeydə alınıb. Bundan əlavə, Nikolayev və Odessa vilayətlərinin ərazilərində təxminən 70 min ton həcmində yanacaq anbarları da məhv edilib", – deyə Rusiya MN-nin məlumatında qeyd olunub.