Rusiya ordusu Ukraynada yaşayış məntəqələrini hədəfə aldı - Baku TV
Ukraynanın “Enerqoatom” şirkəti Rusiyanı nüvə yanacağı anbarına pilotsuz uçuş aparatı ilə hücum etməkdə ittiham edib.
Qurumun yaydığı məlumata görə, zərbələr nəticəsində konteynerlərin qəbul edildiyi bina qismən dağılıb. Həmin obyektdə istifadə olunan nüvə yanacağı saxlanılmadığından radiasiya təhlükəsi yaranmayıb.
“Enerqoatom”un açıqlamasına əsasən, müəssisənin ərazisində radiasiya fonu normativ həddə qalır və hadisə zamanı xəsarət alan olmayıb.
Rusiya Ordusu həmçinin Ukraynanın Xerson və Donetsk vilayətlərinə hücum edib. Nəticədə, 2 nəfər həlak olub, 19 nəfər yaralanıb.
Bu barədə Xerson və Donetsk vilayət hərbi administrasiyaları informasiya yayıb.
Qeyd olunub ki, Donetsk vilayətinin Kramatorsk və Drujkovka şəhərlərində bir nəfər olmaqla ümumilikdə iki sakin həlak olub. Bundan əlavə, Drujkovkada 3, Kramatorskda 2, Xerson vilayətində isə 14 nəfər xəsarət alıb.
Bildirilib ki, zərbələr zamanı kritik və sosial infrastruktur obyektləri, eləcə də yaşayış məntəqələri hədəfə alınıb. Nəticədə, 8 çoxmərtəbəli bina və 15 fərdi yaşayış evi zədələnib.
#Rusiya Ordusu teqi istifadə olunub
- Odessa yaxınlığında həlak olan gəmi kapitanının nəşi Azərbaycana yola salınacaq - Baku TV
- 11 azərbaycanlının olduğu gəmiyə dron hücumu | XİN təcili məlumat yaydı - Baku TV CANLI
- Odessa sahillərində Azərbaycan vətəndaşlarının olduğu gəmi dron hücumuna məruz qalıb - Baku TV
- Ukraynada mülki infrastruktur hədəf alındı: Dağıntılar və itkilər var - Baku TV
- Baş komandan Moskvanın planını açıqladı
