Rusiyada dəhşətli helikopter qəzası | Hadisə yerindən görüntülər

Rusiyanın Amur vilayətində “Robinson R-66” helikopteri qəzaya uğrayıb.

Bu barədə ölkənin İstintaq Komitəsinin Şərq İstintaq İdarəsi məlumat yayıb.

Bildirilib ki, səhər saatlarında pilotun nəzarəti altında və göyərtəsində üç sərnişin olan helikopter havaya qalxıb, lakin təyin olunmuş nöqtəyə çatmayıb.

Axtarış-xilasetmə işləri zamanı qəzaya uğrayan hava nəqliyyat vasitəsinin yeri müəyyən edilib.

Məlumata görə, hadisə nəticəsində 4 nəfər ölüb. Faktla bağlı cinayət işi açılıb, araşdırmalara başlanılıb.