Rusiyanın Kiyevdə vurduğu obyektlər barədə müzakirə
Rusiyanın xarici işlər naziri Sergey Lavrov ABŞ dövlət katibi Marko Rubio ilə telefonla danışıb.
Bu barədə Rusiya Xarici İşlər Nazirliyi məlumat yayıb.
Qeyd olunur ki, Lavrov Rusiya lideri Vladimir Putinin tapşırığı ilə Kiyevdə yerləşən və ordunun ehtiyacları üçün istifadə olunan obyektlərə, müvafiq qərar qəbuletmə mərkəzlərinə sistemli və ardıcıl zərbələr endirməyə başlaması barədə məlumatı rəsmi şəkildə Amerika tərəfinə çatdırıb.
"Kiyevdə nümayəndəlikləri olan digər ölkələrlə yanaşı, ABŞ-yə də öz diplomatlarının və digər vətəndaşlarının Ukrayna paytaxtından təxliyəsini təmin etmək tövsiyə olunub", – bəyanatda deyilir.
Lavrov ABŞ-nin təklifi ilə 2025-ci ilin avqustunda Rusiya-Ukrayna münaqişəsi ilə bağlı ali səviyyədə əldə olunmuş razılaşmaların aktuallığını xatırladıb.
Tərəflər həmçinin Hörmüz boğazındakı böhranın aradan qaldırılmasına dair diplomatik təşəbbüslər və Kuba ətrafındakı vəziyyəti müzakirə ediblər.
"Lavrov və Rubio məlum fikir ayrılıqlarına baxmayaraq, Rusiya və ABŞ-nin bir-birinin ərazisindəki diplomatik missiyalarının iş şəraitinin normallaşdırılması üzrə səyləri aktivləşdirmək barədə qarşılıqlı niyyətlərini təsdiqləyiblər", – deyə bəyanatda qeyd olunur.
#Sergey Lavrov teqi istifadə olunub
- Rusiya XİN başçısı Fransa Prezidentinin cavabını verdi - Baku TV CANLI
- Tehran-Moskva əlaqələrində yeni mərhələ
- Rusiya XİN başçısından Xəzər dənizindəki limana hücumla bağlı sərt açıqlama - Baku TV CANLI
- Moskva-Tehran xəttində koordinasiya güclənir | Gəmilərin təhlükəsiz keçidi təmin olunacaq - Baku TV
- Lavrov İranı müdafiə etdi | Avropa anti-Rusiya hərbi bloku yaratmağa çalışır? - Baku TV
