Sabiq dünya çempionu nədə ittiham edilir?

Ukrayna Təhlükəsizlik Xidməti Rusiya Dövlət Dumasının deputatı və idmançı Nikolay Valuyevi axtarışa verdiyini elan edib.

Bu barədə xarici media məlumat yayıb.

Xəbərə görə, ağır çəkidə sabiq dünya çempionu "Ukraynanın ərazi bütövlüyünə qəsd" maddəsi ilə qiyabi ittiham olunur.

N.Valuyev həmçinin Ukraynanın "Mirotvorets" saytının məlumat bazasına daxil edilib.

Qeyd edək ki, 2014-cü ildən tərtib olunan bu portal Ukraynanın milli təhlükəsizliyini təhdid etməkdə ittiham olunan insanlar barəsində informasiya dərc edir.

Bütün bunların fonunda Ukraynanın Kiyev vilayətində yerləşən neft bazasında partlayış baş verib. Hadisə Rusiyanın vilayətə intensiv hava hücumlarından sonra həyata keçib.

Buna cavab olaraq Rusiyanın Leninqrad vilayətindəki neft emalı zavoduna dronlarla zərbə endirilib. Müəssisə ərazisində azı 3 dronun vurulduğu bildirilib.

Hücumdan sonra zavodun ərazisində yanğın baş versə də, bir qədər sonra alovun qarşısı alınıb. Hadisə nəticəsində xəsarət alan olmayıb.