Senator Mark Zukerberqi üzr istəməyə məcbur etdi

“Meta” korporasiyasının rəhbəri Mark Zukerberq sosial şəbəkələrin zərərli təsirlərindən əziyyət çəkən uşaqların ailələrindən üzr istəməyə məcbur olub.

Bununla bağlı canlı yayım ABŞ Senatının rəsmi saytında təqdim olunub.

“Bu gün qurbanların ailələri buraya toplaşıblar. Onlardan üzr istəmisiniz? Bunu indi etmək istərdinizmi? Onlar buradadırlar, milli televiziya bunu yayımlayır, qurbanlardan üzr istəmək istərdinizmi?”, – deyə Senator Coş Houli Zukerberqdən soruşub.

Bu sözlərdən sonra Zukerberq üzünü valideynlərə tərəf çevirərək üzr istəyib. Yayım zamanı ailələrin çoxunun əllərində uşaqlarının şəkilləri olub. “Hamınızın başınıza gələnlərə görə məyusam. Heç kim sizin ailələrinizin başına gələnləri yaşamalı deyil”, – Zukerberq bildirib.

Korporasiya rəhbəri qeyd edib ki, uşaqlara mümkün zərərin azaldılması üçün lazım olan hər şey ediləcək.