Pleyeri seçin:
Suriyanın yenidən qurulması və inkişafı necə aparılacaq?
Suriya Prezidenti Əhməd əl-Şaraa ölkəyə qarşı Qərb tərəfindən tətbiq edilmiş sanksiyaların tam ləğvinə nail olmağı hədəflədiklərini bildirib.
O bu barədə ABŞ-yə səfəri çərçivəsində Vaşinqtonda Şimali Amerikada yaşayan suriyalı icma nümayəndələri ilə görüş zamanı danışıb.
Onun sözlərinə görə, sanksiyaların aradan qaldırılması Suriya üçün həm iqtisadi sabitliyin bərpası, həm də beynəlxalq əməkdaşlığın genişləndirilməsi baxımından vacibdir:
“Biz ədalətsiz sanksiyalara qarşı mübarizənin son mərhələsinə daxil olmuşuq. Bu mübarizə onların tam ləğvi ilə nəticələnəcək. Bu, ölkənin bərpası və inkişafı üçün əsas şərtdir”.
Əl-Şaraa diaspor nümayəndələrini Suriyanın bərpa prosesində fəal rol oynamağa çağırıb: “Ölkənin yenidən qurulması bütün suriyalıların iştirakı ilə mümkün olacaq”.
Qeyd edək ki, Suriyaya qarşı ABŞ və Avropa İttifaqı tərəfindən tətbiq edilən sanksiyalar ölkənin bir sıra iqtisadi və maliyyə sahələrini ciddi şəkildə məhdudlaşdırır.
Kopyalandı
