Trampdan Yaxın Şərqlə bağlı açıqlama

26 oktyabr 2025 165 baxış

ABŞ Prezidenti Donald Tramp bildirib ki, yaxın vaxtlarda Qəzza sektorunda regiondakı münaqişənin həlli üçün sabitləşdirici qüvvələr yerləşdiriləcək.

Donald Tramp bunu Malayziyaya səfəri zamanı təyyarədə jurnalistlərə açıqlamasında deyib.

“Çox tezliklə. Hazırda bunun üzərində işləyirlər. Hazırda rəhbərlik müəyyənləşdirilir. Yaxın Şərqdə sülh olacaq”, − deyə ABŞ lideri vurğulayıb.

Bu arada İsrailin Baş naziri Benyamin Netanyahu və ABŞ Dövlət katibi Marko Rubio Qəzza sektorunda ortaq maraqlara sadiq qaldıqlarını təsdiqləyiblər. Bu barədə İsrail Baş nazirinin ofisi məlumat yayıb.

Məlumata görə, B.Netanyahu və M.Rubio ABŞ Dövlət katibinin İsrailə səfərini başa vurduqdan sonra telefonla danışıblar.

Baş nazir məhsuldar səfərinə görə Dövlət katibinə təşəkkürünü bildirib. Tərəflər ABŞ və İsraili birləşdirən ortaq maraq və dəyərlərin təşviqi üçün sıx əməkdaşlığı davam etdirməyə sadiq qaldıqlarını vurğulayıblar.

#ABŞ