Trampın əmri sonrası Vaşinqton hərbi və diplomatik addımları müzakirə edir - Baku TV

Amerika Birləşmiş Ştatları Prezidenti Donald Tramp İranın təslim olmasına nail olmaq məqsədilə yeni hücum əmri verib.

Bu barədə “The Wall Street Journal” qəzeti mənbələrə istinadən məlumat yayıb.

Nəşrin yazdığına görə, hərbi əməliyyatların bu həftənin sonunda başlana biləcəyi və bir neçə gün davam edəcəyi bildirilir.

Xatırladaq ki, “CBS News” daha əvvəl ABŞ və İsrailin bu həftəsonu İranın enerji infrastrukturuna irimiqyaslı hücumlar etməyə hazırlaşdığını, xüsusilə neft emalı zavodları və elektrik stansiyalarının hədəf alınacağını bildirmişdi.

Qəzet həmçinin qeyd edir ki, Tramp dəfələrlə İranla bağlanmış anlaşma memorandumunun mənasız olmasından şikayətlənib.

Analitiklər hesab edirlər ki, Ağ Ev rəhbərinin hərbi güc tətbiq etməklə İranı hədələməsi mövcud böhranın diplomatik yolla tənzimlənməsi imkanlarına ciddi şəkildə xələl gətirir.

Vaşinqton hələlik diplomatik variantları da gündəmdə saxlasa da, bölgədə qərarın vəziyyətin inkişafından asılı olaraq veriləcəyi vurğulanır.