Türkiyədən İraqın şimalında antiterror əməliyyatı

Türkiyənin Milli Müdafiə Nazirliyi İraqın şimalında "Pəncə-Kilid” əməliyyatı bölgəsində terrorçulara məxsus çoxlu sayda silah və sursatın ələ keçirildiyini bildirib.

Bu barədə nazirliyin "X" hesabında paylaşım edilib.

Açıqlamada bildirilib ki, əməliyyat bölgəsində təsbit edilən 6 mağara/tuneldə PKK terrorçularına aid çoxlu sayda silah və sursat ələ keçirilib.

Məlumata görə, ələ keçirilənlər arasında 2 ədəd reaktiv yaylım atəşi, 2 ədəd piyada əleyhinə mina, 2 ədəd PUA ilə gücləndirilmiş mina, 35 ədəd “Doçka” pulemyotu, 2 minaatan sursat, 2 siqnal aşkarlama cihazı, 8 sursat qutusu, 7 yanacaq dolu kanistr, 1 dağılmış, tərk edilmiş sığınacaq olub.

"Qəhrəman əsgərlərimiz terrorçuların yuvalarına girməyə davam edəcək", – deyə açıqlamada vurğulanıb.