Türkiyənin Daxili İşlər Nazirliyi açıqlama yaydı

Rusiyada fəaliyyət göstərən “Qanuni Oğrular” mütəşəkkil cinayət təşkilatının idarəçilərindən olan və mavi bülletenlə axtarılan Şamil Əmirov “Qəfəs-15” əməliyyatı ilə Sarıyerdə yaxalanıb.

Bu barədə Türkiyə daxili işlər naziri Ali Yerlikaya sosial media hesabında verdiyi açıqlamada bildirib.

“İnterpol”un mavi bülletenlə axtardığı Şamil Əmirov axşam saatlarında İstanbulda tutulub.

Nazir bildirib ki, beynəlxalq və milli mütəşəkkil cinayətkar qruplara və zəhər tacirlərinə qarşı mübarizə getdikcə daha da artırılacaq:

“Onların nəfəsini kəsəcəyik”, – deyə Ali Yerlikaya bildirib.