Ukrayna Rusiya ərazilərini PUA-larla vurdu | Müharibədə son vəziyyət

Ukrayna Silahlı Qüvvələri Rusiyanın Belqorod, Bryansk, Smolensk, Voronej, Kursk, Tambov və Rostov vilayətlərini PUA-lardan atəşə tutub.

Bu barədə Rusiya Müdafiə Nazirliyi məlumat yayıb.

Bildirilib ki, ölkənin hava hücumundan müdafiə sistemləri sözügedən ərazilərdə 25 PUA-nı zərərsizləşdirib.

Tambov vilayətindəki neft bazası da dron hücumuna məruz qalıb. Adıçəkilən vilayətin başçısı Maksim Yeqorov rəsmi sosial media hesablarından birində bildirib ki, Tambov vilayətinin Miçurin şəhərində yerləşən neft bazasına endirilən aviazərbələr nəticəsində ərazidə yanğın baş verib.

M.Yeqorovun sözlərinə görə, hadisə yerinə gələn 11 yanğınsöndürmə briqadasının köməyi ilə alovu lokallaşdırmaq mümkün olub. Xoşbətlikdən insan tələfatı qeydə alınmayıb.

Rusiya Müdafiə Nazirliyinin məlumatına görə, son 24 saat ərzində Bryansk ərazisində 12 PUA hücumunun qarşısı alınıb, onlardan 9-u məhv edilib. Smolensk, Voronej və Rostov vilayətlərində 1, Kurskda isə 2 pilotsuz uçuş aparatı zərərsizləşdirilib.