Ukraynada ifşa edilən şəxs görün kimdir | Elə faktlar ortaya çıxdı ki...

Ukrayna Təhlükəsizlik Xidməti öz sıralarında Rusiya Federal Təhlükəsizlik Xidmətinin yüksəkrütbəli agentini ifşa edib.

Bu barədə Təhlükəsizlik Xidmətinin rəhbəri Vasili Malyuk məlumat verib.

Bildirilib ki, bu şəxs Antiterror Mərkəzinin qərargah rəisi olub. Həyata keçirilən əməliyyata Vasili Malyuk şəxsən rəhbərlik edib.

O, açıqlamasında vurğulayıb ki, xainin ifşa edilməsi ilə bağlı aparılan əməliyyat olduqca mürəkkəb olub. Onun şəxsi kompüteri və digər elektron avadanlıqlarına giriş üçün xüsusi proqramdan istifadə edilib. Daha sonra onun Rusiyaya məlumat ötürməsi ilə bağlı etibarlı dəlillər əldə edilib.

Ukrayna Təhlükəsizlik Xidməti rəhbərinin dediyinə görə, onlar ifşa edilən agentin vasitəsilə Rusiyaya saxta məlumatlar da ötürüblər. Rəsmi məlumatlarda ələ keçirilən agentin adı açıqlanmasa da, Ukrayna mətbuatının məlumatına görə, saxlanılan şəxs polkovnik Dmitri Kozyuradır.