Pleyeri seçin:
Yağış yağmayan şəhərin zəlzələ təhlükəsi - ORALARDA NECƏDİR?
“Oralarda necədir?” rubrikasının yeni buraxılışı yayımlanıb.
Bu dəfə Plasa de Armasdakı tarixi fəvvarəsi, qədim Santa Dominqo monastırı, Mirafloresdə əsası eramızdan əvvəl 8-ci əsrdə qoyulmuş piramidası ilə məşhur olan Perunun paytaxtı Lima şəhərindən bəhs edilib.
Sakit okean sahilində yerləşən Lima yüksək rütubətə malik olsa da, burada demək olar ki, yağış yağmır.
Peru seysmik zonada yerləşdiyi üçün ildə orta hesabla 850-yə yaxın hiss ediləcək zəlzələ baş verir. Bu səbəbdən əhali uşaqlıqdan fövqəladə hallara hazır olmağı öyrənir.
Peru həm də kartofun vətəni sayılır. Ölkədə 5 min növ kartofun qorunduğu xüsusi laboratoriya fəaliyyət göstərir ki, bu, qlobal kartof ehtiyatı baxımından strateji əhəmiyyət daşıyır.
Ölkədə ən prestijli peşələrdən biri isə arxeologiyadır. Bu sahədə təhsil 5 il davam edir və məzunlar üçün iş tapmaq və yaxşı qazanc əldə etmək nisbətən asandır.
Kopyalandı
#Peru teqi istifadə olunub
Seçilmişlər
