Hadisə
Pleyeri seçin:
Azyaşlının ölümü ilə bağlı cinayət işi başlanılıb
Aprelin 29-da 7 yaşlı Fərid Bakarov məşq zamanı aldığı xəsarətlərdən ölüb. Bədbəxt hadisə Sumqayıtda yaşanıb.
Azyaşlının Sumqayıt Şəhər Uşaq Xəstəxanasında ölməsi barədə Şəhər Prokurorluğuna məlumat daxil olub. İlkin araşdırma zamanı Mehman Xəlilovun cüdo üzrə keçirilən məşq zamanı F.Bakarova xəsarətlər yetirməsi nəticəsində azyaşlının həyatını itirdiyi müəyyənləşib. M.Xəlilov hadisədən sonra şübhəli şəxs kimi saxlanılıb.
Faktla bağlı Sumqayıt Şəhər Prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb. İbtidai istintaq davam edir.
Kopyalandı
Seçilmişlər