Bakıda məktəbin ətrafında manyak peyda oldu | "Kişi demək olmaz, pedofildir!"
Suraxanı rayonu, Qaraçuxur qəsəbəsində yerləşən 104 nömrəli məktəbin ətrafında manyak peyda olub.
Valideynlər iddia edirlər ki, həmin şəxs bir neçə gün öncə sözügedən məktəbin içərisinə daxil olub və “mən qazi atasıyam” deyərək direktorla görüşmək istədiyini bildirib. Daha sonra isə içəridə qızlara əxlaqsız hərəkətlər etməyə çalışıb.
Həmin şəxs bir neçə gün sonra yenidən məktəbin yaxınlığında şagirdin qarşısını kəsib və ona da əxlaqsız hərəkətlər göstərib.
Məktəblinin valideyni bildirib ki, məsələ ilə bağlı aidiyyəti qurumlara müraciət olunub:
“Orta yaşlı bir kişi irəlidə gedirmiş. Kişi də demək olmaz, pedofildir. Övladım deyir ki, əvvəlcə baxıb, heç nə başa düşməyib. İkinci dəfə baxanda artıq anlayıb. Kişi şalvarını aşağı çəkib, uşağa bəzi hərəkətlər edirmiş”.
104 nömrəli məktəbdən bildirilib ki, qeyd edilən məsələ ilə bağlı məktəb rəhbərliyinə valideynlərdə narahatlığa əsas verən konkret faktlar əsasında müraciət daxil olmayıb:
“Məktəbin iki gözətçisi var və təhsil ocağı 24 saat mühafizə olunur. Bundan əlavə, məktəbin daxili və həyətyanı sahəsini müşahidə etmək üçün 32 kamera mövcuddur”.
Daxili İşlər Nazirliyindən isə qeyd edilib ki, sosial şəbəkələrdə paylaşılan məktəb ətrafında bir nəfərin neqativ hərəkətləri ilə bağlı ajiotaj daşıyan məlumatlar polis əməkdaşları tərəfindən araşdırılıb.
“Həmin şəxs müəyyən olunaraq polis orqanına dəvət edilib. Araşdırmalarla xüsusi narahatedici halın baş vermədiyi müəyyənləşib. Hər iki tərəf verdikləri izahatda bunun anlaşılmazlıq olduğunu bildirib”, ‒ deyə məlumatda qeyd olunur.
#Suraxanı rayonu teqi istifadə olunub
- Suraxanıda faciəvi hadisə | Qonşu hər şeyi danışdı
- Bakıda dəhşətli hadisə | Gömrük işçisi niyə qətlə yetirildi?
- “Ağac uşaqların gözünə batsa, necə olacaq?!” | Qaraçuxur sakinləri hər gün ölümlə üz-üzə
- Susuz qalan Yeni Günəşli sakinləri özündən çıxdı | "21-ci əsrdə belə yaşamaq olar?"
- Uşaqlar görün necə təhlükəli parkda oynayır | “İcradan deyirlər ki, özünüz edin!”
