Canavar kəndə hücum etdi | Zaqatalada hadisə

Zaqatalanın Yengiyan kəndində canavar şəxsi təsərrüfata hücum edib.

Yırtıcı heyvan kənd sakini İradə Qurbanovanın həyətyanı sahəsindəki xırdabuynuzlu heyvanları parçalayıb.

Təsərrüfat sahibinin sözlərinə görə, hadisə axşam saatlarında baş verib:

“Xəbərim olmayıb, qapımız açıq qalıb. Səhər qonşu çağırıb dedi. 26 qoyundan 5-ni parçalayıb, 5-i də yaralıdır”.

Baş vermiş hadisə ilə bağlı müvafiq qurumlara məlumat verilib. Təsərrüfat sahibinə 1500 manatdan artıq maddi ziyan dəydiyi bildirilib.

Qeyd edək ki, Şimal-Qərb bölgəsində hər il payız və qış aylarında canavarların təsərrüfatlara hücum etməsi halları müşahidə olunur.