Daha bir vəzifəli şəxs həbs olundu | Detallar ortaya çıxdı

Müdafiə Nazirliyində 143 milyonluq mənimsəmə işi üzrə təqsirləndirilən şəxs həbs edilib.

Nazirliyin müxtəlif hərbi hissələrində maliyyə xidmət rəisi işləmiş Elvin Cəfərov Cinayət Məcəlləsinin müvafiq maddəsi ilə ittiham olunub.

“Report”un məlumatına görə, cinayət hadisəsi nəticəsində dövlətə 2 milyon 200 min manat ziyan dəyib.

Dövlət Təhlükəsizliyi Xidmətinin vəsatəti əsasında onun barəsində həbs qətimkan tədbirinin seçilməsi ilə bağlı Bakı Hərbi Məhkəməsində təqdimata baxılıb.

Hakim Fikrət Əliyevin sədrliyi ilə keçirilən prosesdə təqdimat təmin edilib və Elvin Cəfərov 4 ay müddətinə həbs olunub.