İnsanlığa sığmayan hərəkət | 14 yaşlı yeniyetmənin görüntüləri gündəmi silkələdi

Valideynlərini itirən yeniyetməyə qohumları tərəfindən ağır işgəncələr verildiyi iddia olunur.

Bu barədə sosial şəbəkədə “Qadın və Uşaq Sığınacağı” paylaşım edib.

İddia edilir ki, yeniyetmənin 14 yaşı var və davamlı olaraq ağır işgəncələrə məruz qalıb. Anası dünyasını dəyişib, atası isə həbsxanada vəfat edib. Adının çəkilməsini istəməyən şəxslər bildiriblər ki, uşağı qəyyumluğa götürən xalası ona davamlı olaraq işgəncə verib. Uşağa qarşı aylardır zorakılıq edilib.

Görüntülərdən də yeniyetmənin başında və bədəninin müxtəlif yerlərində ağır işgəncə izləri olduğu aydın görünür.

Daxili İşlər Nazirliyinin Mətbuat Xidmətindən bildirib ki, məsələ ilə bağlı polis tərəfindən araşdırma aparılır. Araşdırmanın nəticəsi ilə bağlı hadisəyə hüquqi qiymət veriləcək.

Ailə, Qadın və Uşaq Problemləri üzrə Dövlət Komitəsinin məlumatına görə, Bakı şəhəri, Sabunçu rayonu ərazisində baş vermiş hadisə ilə bağlı dərhal aidiyyəti qurumlarla əlaqə saxlanılıb. Hazırda yeniyetmənin olduğu ailəyə Sabunçu Rayon İcra Hakimiyyəti yanında Uşaq hüquqlarının müdafiəsi üzrə komissiyanın və hüquq-mühafizə orqanlarının əməkdaşları tərəfindən baxış keçirilir. Hadisə ilə digər məlumatlar araşdırma gedişatında bəlli olacaq. Araşdırma başa çatdıqdan sonra ictimaiyyətə ətraflı məlumat veriləcək.