Lerikdə partlayış | Yaralananlar var

Lerikdə evdə maye qaz balonu partlayıb. Hadisə axşam saatlarında rayonun Noda kəndində baş verib.

Partlayış nəticəsində ev sahibləri, Noda kənd sakinləri – 54 yaşlı Asif Məmmədov və onun həyat yoldaşı 53 yaşlı İlhamə Məmmədova ağır bədən xəsarətləri alıblar.

İlkin yardımdan sonra yaralılar Lənkəran Rayon Mərkəzi Xəstəxanasına çatdırılıblar. İlhamə Məmmədovanın vəziyyəti daha ağır olduğundan o, dərhal xəstəxananın reanimasiya şöbəsinə yerləşdirilib.

Qeyd edək ki, 5 otaqdan ibarət evin partlayışdan sonra qapı və pəncərələri yerindən çıxıb, divarlarda çatlar əmələ gəlib. Ev yararsız vəziyyətə düşüb.

Faktla bağlı araşdırma aparılır.