Meşədəki qandonduran faciənin detalları | Oğlanın atası hər şeyi danışdı

Göygöl rayonunun Toğanalı kəndinin meşə zolağında sevgilisi ilə cəsədi tapılan Yasin İbrahimovun yaxınları Baku TV-yə danışıblar.

Mərhumun atasının sözlərinə görə, oğlu intihar etməzdən öncə onlara bu barədə məlumat verib:

“Sonuncu dəfə qardaşım oğluna zəng edib. Deyib ki, məni bağışlayın, özümü öldürəcəyəm. Birlikdə intihar etdiyi qızla münasibəti barədə bilirdik”.

Qeyd edək ki, Y.İbrahimov sevgilisi, Xocalı rayon sakini, 1985-ci il təvəllüdlü Esmira Əhliman qızı Mamedova ilə birgə Göygöl rayonunun Toğanalı kəndinin meşə zolağında özlərini asaraq canlarına qəsd ediblər.

Göygöl Rayon Polis İdarəsinin əməkdaşları onların cəsədlərinin qalıqlarını aşkarlayıblar.