Şəmkirdə ağır qəza | Ölən və yaralananlar var

Şəmkirdə ölümlə nəticələnən ağır yol qəzası baş verib.

Belə ki, hərəkətdə olan “VAZ-2106” və “VAZ-2107” markalı avtomobillər toqquşub. Qəzadan yayınmaq istəyən başqa bir “VAZ-2106” isə yoldan çıxaraq çuxura düşüb.

Ağır qəza Şəmkir şəhəri ilə rayonun Yeni Həyat kəndi arasındakı məsafədə baş verib

Nəticədə bir nəfər hadisə yerində, bir nəfər isə xəstəxanaya aparılarkən yolda dünyasını dəyişib. Daha üç nəfər isə yaralı vəziyyətdə xəstəxanaya yerləşdirilib. Onların müalicəsi davam etdirilir.

Qeyd edək ki, hadisə ilə bağlı araşdırma aparılır.