Sumqayıt və Yevlaxda bədbəxt hadisə | Bir nəfər həyatını itirdi - Baku TV

23 yanvar 2026 108 baxış

Sumqayıtda bir ailənin dörd üzvü dəm qazından zəhərlənib. Hadisə şəhərin Nizami küçəsində qeydə alınıb.

Məlumata görə, ailə başçısı, 47 yaşlı Emin Əliyev, onun həyat yoldaşı, 36 yaşlı Günel Əliyeva, həmçinin 17 yaşlı oğlu və 14 yaşlı qızı dəm qazından zəhərlənib. Onlar dərhal xəstəxanaya yerləşdirilib.

Zəruri tibbi yardımdan sonra vəziyyətləri qənaətbəxş qiymətləndirilən şəxslər ambulator müalicə üçün evə buraxılıb.

Yevlax rayonunda da oxşar hadisə qeydə alınıb. Bir ailənin beş üzvü dəm qazından zəhərlənib. Hadisə nəticəsində 67 yaşlı Məhəmməd İsmayılov həyatını itirib, dörd nəfər isə Yevlax Rayon Mərkəzi Xəstəxanasına çatdırılıb.

Xəstəxanaya yerləşdirilən şəxslərdən 2005-ci il və 1987-ci il təvəllüdlü pasiyentlərin vəziyyəti qənaətbəxş qiymətləndirilib və onlar ambulator müalicə üçün evə buraxılıb. 1982-ci il və 2007-ci il təvəllüdlü şəxslər isə reanimasiya şöbəsinə yerləşdirilib, hazırda vəziyyətləri ağırdır.

#Sumqayıt