“Uşaq yerdə çabalayırdı...” | Kütləvi zəhərlənməyə səbəb olan kafe hansıdır?
Tovuzda bir ailənin dörd üzvü zəhərlənib.
Onlar qida zəhərlənməsi diaqnozu ilə xəstəxanaya yerləşdiriliblər. Xəstələrə tibbi yardım göstərilib, vəziyyətlərinin orta-ağır olduğu bildirilir. Məlumata görə, zəhərlənən şəxslərdən ikisi azyaşlıdır.
Ailə üzvləri bildiriblər ki, onlar Şəmkir rayonuna xəstə ziyarətinə gediblər, geri qayıdan zaman yolüstü dönər alıblar. Dönəri yedikdən bir müddət sonra ailə üzvlərinin səhhətində dəyişiklik müşahidə olunub.
Qeyd edək ki, Tovuzla yanaşı, avqustun 20-si zəhərlənmə şübhəsi ilə 30-a yaxın şəxs isə Şəmkir Rayon Mərkəzi Xəstəxanasının Təcili yardım şöbəsinə hosbitalizasiya olunub.
Şəmkir rayonunda baş verən hadisə ilə əlaqədar Azərbaycan Qida Təhlükəsizliyi Agentliyinin "1003-Çağrı Mərkəzi"nə daxil olan məlumat əsasında AQTA-nın regional bölməsi tərəfindən aidiyyəti qurumlarla birgə araşdırmalara başlanılıb.
İlkin araşdırmalar nəticəsində hadisəyə Şəmkir-Qazax magistralında fəaliyyət göstərən, Bəxtiyar Əhmədova məxsus “Almalı” kafedən alınan dönərin səbəb olduğu müəyyən edilib. İaşə müəssisəsinin fəaliyyəti məhdudlaşdırılıb.
Faktla bağlı araşdırmalar davam edir.
#Tovuz teqi istifadə olunub
- Anadan körpəsinə qarşı ağlasığmaz addım | Ev sahibi hər şeyi danışdı - Baku TV
- Ana yemək almaq adı ilə evdən çıxıb, geri qayıtmayıb - Baku TV
- Tovuzda yaşlı kişi bədbəxt hadisə nəticəsində vəfat edib - Baku TV
- “Deyir ki, evimə qoymurlar” | Küçədə yaşayan ana və oğlu ilə bağlı qurumlar nəyi açıqladı? - Baku TV
- Tovuzda dəhşətli hadisə | Bağça müdiri bıçaqlandı - Baku TV
