Pleyeri seçin:
Vətəndaşlara və dövlət qurumlarına çağırış | Kiberhücumu kim təşkil edib?
“Arabian Ghost” adlı haker qruplaşması ölkənin bir sıra informasiya resurslarına, o cümlədən dövlət saytlarına qarşı kiberhücumlar həyata keçirdiyini açıqlayıb.
Məlumatı Xüsusi Rabitə və İnformasiya Təhlükəsizliyi Dövlət Xidməti yayıb.
Bildirilib ki, dövlət qurumlarına qarşı həyata keçirilən kiberhücumları dövlət xidməti sutka ərzində monitorinq edir və bu hücumların qarşısı alınır.
“Kiberhücumların hazırda da davam etməsinə baxmayaraq, dövlət qurumlarının informasiya resurslarında heç bir dayanma və ya müdaxilə halı qeydə alınmayıb. Vətəndaşları və dövlət qurumlarını kibertəhlükəsizlik sahəsində diqqətli olmağa, şübhəli fəaliyyətlər barədə dərhal məlumat verməyə və təhlükəsizlik tədbirlərini gücləndirməyə çağırırıq”, – deyə məlumatda qeyd olunub.
Kopyalandı
Seçilmişlər
