Zaqatalaya gedən 11 yaşlı qız müəmmalı şəkildə öldü

Zaqatalanın Bəhmətli kəndinə qonaq gələn 11 yaşlı qız dünyasını dəyişib.

Əslən İmişli rayonundan olan Dəniz Nuri ailəsi ilə birlikdə Bakı şəhərində yaşayıb. Bəhmətli kəndinə qonaq gəlib. Zaqatalaya gəlməzdən əvvəl Dənizin səhhətində olan problemlərlə bağlı Tovuz və Şəki rayonlarının xəstəxanalarına müraciət olunub.

İyulun 7-də saat 11:00 radələrində isə Dənizin vəziyyəti pisləşdiyi üçün Zaqatala Rayon Mərkəzi Xəstəxanasının təcilli yardım şöbəsinə müraciət olunub. Uşaq xəstəxanaya daxil olduqdan 20-25 dəqiqə sonra bioloji ölüm qeydə alınıb.

Meyit müayinə olunmaq üçün Zaqatala rayon məhkəmə tibbi ekspertiza və pataloji anatomiya şöbəsinə təhvil verilib. Ölümün dəqiq səbəbləri araşdırmadan sonra məlum olacaq.