Zəng etdilər ki, xəstəni qəbul etmirlər | Zaqataladakı ailə faciəsinin detalları

Zaqatalada doğuş zamanı körpə ölümü baş verib.

Hadisə 20 apreldə səhər saatlarında Zaqatala Rayon Mərkəzi Xəstəxanasında baş verib.

Rayonun Muxax kənd sakini, 33 yaşlı Günel Əliyeva səhər saatlarında xəstəxananın doğum şöbəsinə müraciət edib.

Günel Əliyevanın ailə üzvlərinin verdiyi məlumata görə, o, xəstəxanaya daxil olduğu zaman həkimlər tərəfindən təcili qeysəriyyə əməliyyatı aparılması haqqında qərar qəbul olunub.

TƏBİB-dən bildirilib ki, 20.04.2025-ci il tarixində, saat 08:50 radələrində 1992-ci il təvəllüdlü, Muxax kənd sakini 34 həftəlik hamiləliklə Zaqatala Rayon Mərkəzi Xəstəxanasına daxil olub. Baş gəlişi, uşaqlıqda çapıq, idiopatik trombo-sitpenik purpura diaqnozları təyin edilən qadın dərhal əməliyyata alınıb, cinsi oğlan, çəkisi 2 700 qram, boyu 50 santimetr olan ölü döl xaric olunub.

Yeni doğulan körpənin ölümünün dəqiq səbəbini öyrənmək məqsədilə meyit müayinə olunmaq üçün Məhkəmə-Tibbi Ekspertiza və Patoloji Anatomiya Birliyinin Zaqatala rayon şöbəsinə təhvil verilib. Məlumata görə, hazırda ananın vəziyyəti stabildir.

Faktla bağlı Zaqatala Rayon Prokurorluğunda araşdırma aparılır.