İdman
Pleyeri seçin:
Azərbaycan Kubokunda 1/8 final mərhələsinə yekun vurulub
Azərbaycan Kubokunda 1/8 final mərhələsinə yekun vurulub.
Son matçda “Neftçi” klubu I Liqa təmsilçisi “Qaradağ Lökbatan”la üz-üzə gəlib. “Neftçi Arena”da keçirilən görüş “ağ-qaralar”ın 4-0 hesablı qələbəsi ilə bitib.
Meydan sahiblərinin heyətindən Aaron Olanare, Yeqor Boqomolski və Andre Şinyaşiki fərqlənib. "Qaradağ Lökbatan"ın üzvü Murad Qayalı 72-ci dəqiqədə avtoqol müəllifi olub.
Darmadağınla 1/4 final mərhələsinə adlayan “Neftçi”nin rəqibi “Sumqayıt” kollektivi olacaq. Bu mərhələnin qarşılaşmaları yanvarın 30-31-i, fevralın 6 və 7-də keçiriləcək.
Qeyd edək ki, daha əvvəl “Sabah”, “Sumqayıt”, “Araz-Naxçıvan”, “Qəbələ”, “Səbail”, “Zirə” və “Qarabağ” 1/4 finala vəsiqə qazanıblar.
Kopyalandı