Azərbaycan Premyer Liqasının ən dəyərli futbolçuları açıqlanıb
Azərbaycan Premyer liqasında çıxış edən ən dəyərli futbolçuların adına aydınlıq gəlib.
Bu barədə Beynəlxalq İdman Araşdırmaları Mərkəzi məlumat yayıb. 10 nəfərin olduğu siyahıda “Qarabağ”ın 6 futbolçusu yer alıb.
Belə ki, Premyer liqanın ən dəyərli futbolçusu “köhlən atlar”ın üzvü Leandro Andradedir. 24 yaşlı yarımmüdafiəçinin transfer qiyməti 3,3 milyon avroya bərabərdir.
İkinci pillədə 2,4 milyon avro ilə Toral Bayramov yer alıb. İlk üçlüyü 2,2 milyon avro dəyəri olan Olavio Juninyo qapayır.
4-cü sırada isə 1,8 milyon avro ilə Elvin Cəfərquliyev qərarlaşıb. 5-ci sırada isə “Sabah”ın yamaykalı yarımmüdafiəçisi Kahim Parris mövqe tutub.
6, 7 və 8-ci pillələrdə ardıcılı olaraq “Səbail”dən Süleyman Aluş, “Qarabağ”dan Marko Yankoviç və “Sumqayıt”dan Ayxan Süleymanlı yer alıb.
9 və 10-cu sırada 800 min avro dəyərlə “Zirə”nin üzvü Salifu Suma ilə “Qarabağ”ın futbolçusu Julio Romao qərarlaşıb.