“Fənərbağça” klubunda böyük ayrılıq

Türkiyə nəhəngi “Fənərbağça”nın prezidenti Ali Koç klubla yollarını ayıracaq.

Yerli mətbuatda yayılan məlumata görə, bu barədə funksioner özü açıqlama verib. O bildirib ki, mövsüm sonunda vəzifəsini tərk edəcək. 56 yaşlı prezident bu qərarın klub adına müsbət bir addım olduğunu da vurğulayıb.

Qeyd edək ki, Ali Koç 2018-ci ildən “Fənərbağça”ya rəhbərlik edir. O, 6 il öncə bu postda Aziz Yıldırımı əvəz etmişdi. Klub A.Koçun prezidentliyi dövründə ötən il ölkə kubokunda qələbə qazanıb.

Hazırda aktivində 63 xalı olan “Fənər” turnir cədvəlinin lideridir. Kollektiv növbəti matçını “Alanyaspor”a qarşı keçirəcək.