Millimizin üzvü Türkiyə klubuna keçdi

Azərbaycan millisinin üzvü Coşqun Diniyev karyerasını Türkiyədə davam etdirəcək.

29 yaşlı yarımmüdafiəçi “Bandırmaspor”la müqavilə imzalayıb.

C.Diniyevin 1-ci Liqa təmsilçisi ilə sözləşməsi 2024-2025-ci illər mövsümünün sonuna kimi nəzərdə tutulub.

Qeyd edək ki, karyerası ərzində ölkəmizin “Qarabağ”, “Sabah” və “Zirə” klublarında top qovan Coşqun Diniyevin son komandası “Ümraniyespor” olub. Türkiyə klubunun heyətində 33 oyuna çıxan Coşqun 3 qol və 2 asist müəllifi olub.

2016-cı ildən ölkəmizin əsas millisinə də dəvət olunan təcrübəli futbolçu 22 oyunda meydana çıxıb, qol vurmayıb.