"Zirə" Konfrans Liqasında ilk oyununu keçirib

“Zirə” komandası avrokuboklarda növbəti matçına çıxıb.

“Qartallar” Konfrans liqasının II təsnifat mərhələsində Slovakiyanın “Dunayska Streda” kollektivi ilə qarşılaşıb.

“Dalğa Arena”da keçirilən görüşdə təmsilçimiz darmadağınla qələbə qazanıb. Oyunda hesabı 29-cu dəqiqədə Rafael Utziq açıb.

Cəmi 3 dəqiqə sonra fərq 2-yə çatıb. Bu dəfə Martins Junior “Zirə” azarkeşlərini sevindirib. Təmsilçimiz fasiləyə üstün yollanıb.

İkinci yarıda “qartallar” daha iki topu slovakiyalıların qapısından keçirib. David Volkov dubl edib. “Zirə” – “Dunayska Streda”: 4-0.