Fransada Yay Olimpiya Oyunlarının açılış mərasimi keçiriləcək

Bu gün Fransanın paytaxtı Parisdə 33-cü Yay Olimpiya Oyunlarına start veriləcək.

4 illiyin zirvə yarışının açılış mərasimi Sena çayının ətrafında baş tutacaq. Bununla əlaqədar çay boyunca 6 kilometrlik marşrutda quraşdırılan səhnələrdə Fransanın irsi, eləcə də Paris şəhərinin memarlıq abidələri nümayiş etdiriləcək. Turnirə qatılan idmançıların təqdimatı isə xüsusi qayıqlar vasitəsilə təşkil olunacaq.

Qeyd edək ki, Olimpiadanın açılış mərasimi Bakı vaxtı ilə saat 21:30-da başlayacaq. Tədbirdə ölkəmizin bayraqdarları boksçu Məhəmməd Abdullayev və cüdoçu Gültac Məmmədəliyeva olacaq.