“Neftçi” Basketbol liqasında uğurla çıxış edir

“Neftçi” komandası Basketbol liqasının müntəzəm çempionatında 11-ci qələbəsini qazanıb.

“Ağ-qaralar” 15-ci tur çərçivəsində “Gəncə” klubu ilə üz-üzə gəliblər. “Sərhədçi” İdman Mərkəzində keçirilən görüşdə bütün periodlar “Neftçi”nin üstünlüyü ilə əlamətdar olub.

İlk hissədə 16-13 hesabı ilə qalib gələn paytaxt təmsilçisi sonrakı periodlarda da təşəbbüsü əldən verməyərək yekunda 97-62 hesablı qələbə qazanıb. “Neftçi”nin uğurunda 17 xal və 7 ribaundla yadda qalan Dianselo Stüart vacib rol oynayıb.

Qeyd edək ki, bu qələbə sayəsində xallarının sayını 26-ya çatdıran “Neftçi” lider “Xəzri” ilə bərabərləşib. Lakin “Ağ-qaralar” əlavə göstəricilərə görə 2-ci yerdədir.