"Qalatasaray" çempionluğu "Beşiktaş"lı Simgenin mahnısı ilə qeyd etdi

4 illik fasilədən sonra Türkiyə Superliqasında qalib gələn “Qalatasaray”ın futbolçuları çempionluq matçından sonra qələbəni qeyd etməyə başlayıblar.

23-cü titulu bayram edən “sarı-qırmızılar” paltardəyişmə otağında türkiyəli tanınmış müğənni Simge Sağının “Aşkın olayım” mahnısını ifa ediblər.

Qeyd edək ki, bu mahnı İstanbul nəhənginin azarkeşləri tərəfindən komandanın əsas qol silahı Mauro İkardiyə həsr olunub. Onlar bu nəğməni daim “Qalatasaray”ın matçlarında səsləndirirlər.