Azəri-Çıraq-Günəşlidən SOCAR-a verilən qazın həcmi ilə bağlı vacib hesabat

2024-cü ilin birinci yarısında Xəzərin Azərbaycan sektorunda yerləşən “Azəri-Çıraq-Günəşli” neft-qaz yataqları blokundan SOCAR-a əsasən Səngəçal terminalı, həmçinin “Neft Daşları”ndakı qurğu vasitəsilə 1,2 milyard kubmetr səmt qazı ötürülüb ki, bu da illik müqayisədə 9,1% çoxdur.

Bu barədə BP şirkətinin Azərbaycanda fəaliyyətinə dair cari ilin birinci yarısının nəticələrinə həsr olunan hesabatda məlumat verilib.

Sənədə əsasən, hesabat dövründə “Azəri-Çıraq-Günəşli”dən SOCAR-a gündə orta hesabla 6,4 milyon kubmetr qaz verilib.

“Hasil edilən səmt qazının qalan hissəsi təzyiqi saxlamaq məqsədilə yenidən kollektora vurulub”, – deyə hesabatda qeyd olunub.